自愛

我要緊記，
要好好愛惜自己。

Les Petits Mouchoirs

謊心愛漫遊

Little White Lies

法式輕鬆小品，可是去年法國當地賣座電影啊！

朋友間的暗戀，失戀，同性戀，總有一個故事發生在你我身邊。

最後餐館老闆趕往為朋友倒沙一幕，我哭了‧‧‧

Life in a day

發生在2010年7月24日的千個故事。那年那月那日，我在上海快活過神仙；今年那月那日，跌落人生谷底；明年那月那日，只願我已正正常常地過活。

這一年，我的生活、工作、情緒就如在玩過山車一樣，再這樣下去，我快頂不住了‧‧‧

Pina 3D

Can You Feel the Power, the Passion?

Pina 3D, Aug & Sept in HK

@ Broadway Cinematheque

法語。語塞

話說曾習3年幾法文的我，去旅行簡單溝通沒問題，但由於人家明知你係來旅行，自然會說得慢一點，還有，來來去去問路搭訕都係那些用語，而我人在異鄉，膽子大了，乜都講，試過九唔搭八用廣東話同人溝通添！但真的，隔了好幾年沒掂法文，還要不常講的我，現在當真要同人日常溝通，wow，是有語障的！聽方面，阿朋友說慢一點還可以，用回正常速度我便迷失於大空，於我表達方面，嘿嘿！勁，要表達愛意絶對沒問題，其他已退化到只能說最基本的單句，所以很多時候我倆都在說英語。。。那我早年學法文來幹嗎？大鑊。。。

落選陪審員



上星期有幸被抽中出席高等法院的陪審團遴選，諗住早Ｄ出去食早餐，點知東隧東廊呢一日俾平日更塞車！連速食早餐都泡湯了。剛好九點四十分到達高院1樓會議室，睇片聽介紹流程，登記身份證後，一班候選佳麗就要上去指定法庭等抽籤。今次見到Ｄ人既衣著好正常，可能大家都諗冇咁翹抽中自己啩。

第一個庭係販毒案，個犯盡用佢5個challenge既權利，凡係師奶、個樣老老實實、打側揹袋男人 (老實人？)都話唔要；有位男士被抽中，口窒窒咁同個官解釋自己下星期要去第二度做音樂會，已經買哂機票酒店，可唔可以豁免，個官問佢有咩證明，佢話冇，用樂譜得唔得，可能個官見佢緊張同老實啩，最後唔使佢做；跟住冇耐抽到位女士，佢話自己要去旅行，咁個官問佢幾時，佢話八月尾！大姐，個官一早咪話單案審5-6日之嘛，幾唔暢順都好，販毒唔使審廿日卦！法官即時話單野唔使咁耐同埋佢個時都放緊假，我即時笑左出黎！當選左7個人組成陪審團後，就逐個宣誓，跟手就開庭，其他抽唔中既（包括我）就要去第二個庭喇。

第二個庭係強姦案，都係審5-6日，好想被抽中，但絶對冇可能！因為辯方大律師一聽到係女士就即時challenge，最後係全男班上陣，而我11點鬆d就走得，搏大霧的我，下午當然趁機放假！

兩個庭都係用中文，有個候選陪審員係外國人，其中一個法官好耐心用英文解釋佢聽，同埋同佢講唔好意思，因為就算語言不通，佢都要企到抽完籤為止（對，係企，因為太多人，個庭太少位）。

今次有一位男士冇黎，點解我會知？因為係會議室登記完身份證之後，個職員大聲問ＸＸＸ先生係唔係度囉！唔知佢去左旅行、工幹、移左民、搬左屋所以收唔到通知？

而我，其實好想做的，見證一下嘛！

紅娘真的在西廂？

港女，尤其是未婚單身大齡女一街都係(包括我 -____-)，是我們太強，太獨立，太自我？要戀愛，從來是兩個人的事(起碼)，有磨擦才會結合；但現世代，別只說女人，有多少男女明白要走出自己世界和別人交流交心才會有愛？

而林大導，再次挑戰大家的腦袋和底線，明白他想表達每個人都可以當自己的紅娘，既是崔鶯鶯，亦是媒人紅娘，不只是女人，男人都想「嫁」入豪門。但林大導，貴為追隨你十多年的觀眾及讀者，請您下次真的高抬貴手，精益求精；明白您有很多話兒要說，但就選精萃的吧；每次我都已經抱著會超時，硬塞千萬msg入腦的心態進場，但這次我真的輸了給周先生，在看似熱鬧（胡鬧）的搶親一段，睡著了，而搶親這一段，其實又有點突兀啊！至於結尾，我寧願沒有，現在淪為老套的大團圓結局，很可惜。。。

又，反串演崔夫人的時一修，令人驚喜！

Dior 的不歸路

Dior 沒有了John Galliano 的日子，

整個系列，我看不出一絲連貫性，更看不到Dior 往日的高貴。

好似睇緊科幻鬼片一樣！

性格

要大意的我做精細的工作，十級灰！現在每天都像吃了十擔豬油般的慢，很吃力。粗心大意如我，慢工不一定出細貨；對天生細心，眉精眼企的人，靚貨是不需要慢慢來的！是我天資愚鈍，唯有臨老將勤補拙，但情況是拉牛上樹，補得很幸苦啊！

令我天天不想返工，是我做了那麼多年人未曾有過的感覺！又，這份新工，我只返了兩個禮拜，已經感覺在走入末路！唔。。。是我選擇錯了？

粗話符碼手冊

讀此書，當然唔係為讀粗話，看笑話。讀陳雲的《中文解毒》和《執正中文》，認識中文何解永遠只是弱勢語言，港府如何令高尚的香港中文急速墮落為壞鬼的港式中文，高官商界明星如何炮製病壞公文。

節錄此篇，只為拋磚引玉，為搏閣下買書嗟！你可能說，嘩！本書成舊水，買哂２本好Ｌ貴喎！閣下買少件衫，食少餐飯，但個人有深度左，係咪抵番哂先！

戅居　　　青年呆坐家中，不參加政府的再培訓計劃，很不智的意思
On 9　　　Not on 8
賓周　　　酬賓減價一星期
福佳　　　福氣真佳
ＰＫ　　　仆倒街頭之後，無人救援，可以用手機發出本地求救代碼，比國際的
　　　　　ＳＯＳ為短
臭四　　　臭三旳弟弟，脾氣比三哥更臭
笨實　　　笨得來很老實
食蕉　　　面青唇白，你要補充點維他命Ｃ了
撚化　　　愛的啟蒙，初戀無限fun
含忍　　　凡事包容，百忍成金
杏加橙　　一種基因改造食物，猶如桃駁李
關仁隱士　有隱士，名關仁，生平待考
賓州大學　美國的一家州立大學
頂你個肺　真激氣，你也一同激氣吧
燒你數簿　不用還錢了

節錄自 陳雲《執正中文》