為何而活?

原本一心想睇＜情約一天＞ (One Day) 的我，最後居然係睇呢齣! 3條友睇<作死不離3兄弟> (3 idiots)，簡直襯哂啦‧‧‧

我呢類病友，好在最後係睇呢套，如果睇悲劇結局的One Day，睇怕我會更鬱悶。3兄弟全長３粒鐘冇悶場，笑中有淚，仲要係有message喎！睇印度片，久唔久來一場 Bollyhood 式歌舞在所難免，而d歌舞又其實幾ok喎，令我覺得所有印度人都應該識跳舞的(笑)！兩地都曾經係英國殖民地，教育制度差唔多，大家都係為分數、為排名、為搵工而讀書，跟住勞役一輩子，可能只係為層樓而奮鬥，我地究竟係為工作而生活，定係為生活而工作？夢想、理想在不經不覺間已經給磨滅掉。

又，作為女觀眾的我，睇戲梗係要睇靚仔啦！靚仔主角Aamir Khan原來係印度影帝＋導演＋製作人，獲獎無數，但據聞佢係從來唔出席攞獎的！不如大家估下佢幾歲？登登登登登，46歲！！！簡真睇佢唔出！佢係咪食左返老還童葯？！

睇完Pina 3D同 3 idiots，令我若有所思，我應該差不多好返了！
(其實治療師都話我進度神速，實在感激一眾友好同家人關懷。大家緊記：病向淺中醫)

Harry Potter Duet

你以為他們是雙生兒，「他們」可是同一人啊！

身邊很多朋友都看過Harry Potter甚至極力推介，但真的吸引唔到我囉。

面對、接受、處理、放下

有些問題永無答案。事情發生了，只能「面對、接受、處理、放下」－－這並非局外人言論，我們亦以此來勉勵開解自己，因為每個人都會遇上毫無心理準備，意料之外的事。那時我們希望可以逃避，最好失憶。但不成，「它」就在你面前了。

很多人堅強，是逼出來的。

保重。　

~ 李碧華＜緣份透支＞

一個月前，我以為只是自己力有不逮，應付不了工作；
兩星期前，最終遲了工作，情緒開始失控、低落、自責、內疚，有理由沒理由的淚流不停；
一星期前，突然意識　我　有　問　題‧‧‧

我懂得面對了，但不懂如何處理、放下，唯有向醫生求助；普通科醫生分析說，問題在二月時蘊釀；在心理醫生做了測試，醫生分析說，我有兩個面，表裡不一，差異大得很離譜、太抑壓，此乃關乎自己五至九歲的一段經歷。

我會這樣形容自己，和很多香港人一樣，我是一個壓力煲，今次零件損壞了，不懂自行修愎，咪唯有爆煲。幸好我發現得早，並有家人和朋友的無限支持，實在需要感謝主。

我，患了抑鬱症。

寧靜的大澳

 

話說，乘公車出東涌期間，有位婆婆用她的大嗓門講電話，突然聽到「我要趕住出去攞有機月餅呀‧‧‧」有機月餅？醒哂！有機在個蛋黃？蓮蓉？個皮？定個盒？呢個世界開始失常‧‧‧

自愛

我要緊記，
要好好愛惜自己。

Les Petits Mouchoirs

謊心愛漫遊

Little White Lies

法式輕鬆小品，可是去年法國當地賣座電影啊！

朋友間的暗戀，失戀，同性戀，總有一個故事發生在你我身邊。

最後餐館老闆趕往為朋友倒沙一幕，我哭了‧‧‧

Life in a day

發生在2010年7月24日的千個故事。那年那月那日，我在上海快活過神仙；今年那月那日，跌落人生谷底；明年那月那日，只願我已正正常常地過活。

這一年，我的生活、工作、情緒就如在玩過山車一樣，再這樣下去，我快頂不住了‧‧‧

Pina 3D

Can You Feel the Power, the Passion?

Pina 3D, Aug & Sept in HK

@ Broadway Cinematheque

法語。語塞

話說曾習3年幾法文的我，去旅行簡單溝通沒問題，但由於人家明知你係來旅行，自然會說得慢一點，還有，來來去去問路搭訕都係那些用語，而我人在異鄉，膽子大了，乜都講，試過九唔搭八用廣東話同人溝通添！但真的，隔了好幾年沒掂法文，還要不常講的我，現在當真要同人日常溝通，wow，是有語障的！聽方面，阿朋友說慢一點還可以，用回正常速度我便迷失於大空，於我表達方面，嘿嘿！勁，要表達愛意絶對沒問題，其他已退化到只能說最基本的單句，所以很多時候我倆都在說英語。。。那我早年學法文來幹嗎？大鑊。。。

落選陪審員



上星期有幸被抽中出席高等法院的陪審團遴選，諗住早Ｄ出去食早餐，點知東隧東廊呢一日俾平日更塞車！連速食早餐都泡湯了。剛好九點四十分到達高院1樓會議室，睇片聽介紹流程，登記身份證後，一班候選佳麗就要上去指定法庭等抽籤。今次見到Ｄ人既衣著好正常，可能大家都諗冇咁翹抽中自己啩。

第一個庭係販毒案，個犯盡用佢5個challenge既權利，凡係師奶、個樣老老實實、打側揹袋男人 (老實人？)都話唔要；有位男士被抽中，口窒窒咁同個官解釋自己下星期要去第二度做音樂會，已經買哂機票酒店，可唔可以豁免，個官問佢有咩證明，佢話冇，用樂譜得唔得，可能個官見佢緊張同老實啩，最後唔使佢做；跟住冇耐抽到位女士，佢話自己要去旅行，咁個官問佢幾時，佢話八月尾！大姐，個官一早咪話單案審5-6日之嘛，幾唔暢順都好，販毒唔使審廿日卦！法官即時話單野唔使咁耐同埋佢個時都放緊假，我即時笑左出黎！當選左7個人組成陪審團後，就逐個宣誓，跟手就開庭，其他抽唔中既（包括我）就要去第二個庭喇。

第二個庭係強姦案，都係審5-6日，好想被抽中，但絶對冇可能！因為辯方大律師一聽到係女士就即時challenge，最後係全男班上陣，而我11點鬆d就走得，搏大霧的我，下午當然趁機放假！

兩個庭都係用中文，有個候選陪審員係外國人，其中一個法官好耐心用英文解釋佢聽，同埋同佢講唔好意思，因為就算語言不通，佢都要企到抽完籤為止（對，係企，因為太多人，個庭太少位）。

今次有一位男士冇黎，點解我會知？因為係會議室登記完身份證之後，個職員大聲問ＸＸＸ先生係唔係度囉！唔知佢去左旅行、工幹、移左民、搬左屋所以收唔到通知？

而我，其實好想做的，見證一下嘛！