冷知識：
毅行者路線係沿用以前啹喀兵的訓練路練，只係响2009年改行麥理浩徑，終點變了在元朗。贏唔係最重要，重要係挑戰自己同團隊精神。
2011/11/20
樂善好施
今年有幸參與一年一度的樂施會盛事樂施毅行者‧‧‧做支援隊伍的一份子及事後的清道夫。活動有五千人參加，連埋樂施會員工、義工、各隊的支援，過萬人！一萬人遍佈各山頭，好有氣勢！以我的checkpoint為例，有些支援小組是前一晚橫風橫雨下為隊友通宵霸定支援位置！星期五比賽日雖然天陰，但非常翳焗，晚上又下大雨！我參加的行山/跑步會，共有17隊參加，最後有三隊齊齊整整地完成整個100公里賽事，其中一隊super team只用了16小時11分，勁！
至於有人問我會否參加來年的毅行者，我的回應是考慮中、或者啦、睇情況，心裡面個句是100公里好長啊！
冷知識：
毅行者路線係沿用以前啹喀兵的訓練路練，只係响2009年改行麥理浩徑，終點變了在元朗。贏唔係最重要，重要係挑戰自己同團隊精神。
冷知識：
毅行者路線係沿用以前啹喀兵的訓練路練，只係响2009年改行麥理浩徑，終點變了在元朗。贏唔係最重要，重要係挑戰自己同團隊精神。
2011/11/13
幸福在最北
作者周游於她三十大關，毅然放棄香港的家人朋友高薪厚職，遠嫁到北地雪國瑞典由零開始，我感受到愛情的偉大，亦感到她的毅力，瑞典喎！一個冬天幾乎沒有白晝的異域喎！福利雖然好，但消費更高；讀此書，你會看到這一家如何用有限的資源為自己製造無限的歡樂，都是那句，幸福是自己爭取的，更是半杯水心態論。
她兩個女兒超可愛亦超有創意，當然是多得父母的無為教導。香港的怪獸父母做不來，太保護小孩，不准這樣，不准那樣。有小孩在的食肆，聽得最多的是坐定定，不准跑；然後媽媽繼續和友人高談闊論，小孩坐著沒事幹，更沒興趣聽你們說八卦事，又如何坐定定呢！其次是港式英文，真的是 oh my gosh！不過也難怪，香港這個畸型城市，什麼都要快、更要比較，是專門扼殺獨立思想的；不記得是誰說要打造香港成為「創意之都」，我第一個反應是痴 撚 線。
至於為何知道她倆女兒超可愛又超有創意？因為我一直追隨周游的部落格囉！
http://wordwordword.wordpress.com/
http://lousyma.wordpress.com/
願你和我所有人都幸福快樂！
2011/11/12
生日前夕
生日前夕，和好友、新相識的朋友浩浩蕩蕩結伴去看《寒武紀與威士忌》。舞台配合燈光設計美得讓人呆掉。演員演出生鬼，唯獨譚玉瑛姐姐和整齣戲顯得格格不入，不是她演得不好，只是開首的獨腳戲睇得我很辛苦，然後發現，不是睇而是聽的問題，譚小姐的聲線很刺耳，聽得我想挖掉自己的耳朵。值得留意另一位演員黃呈欣，她演有問題的Sophia，會讓你想直衝上台摑佢兩把；她演貓，一舉一動都極其神似，讓你想上台抱貓去！
此劇前身叫《娛樂大坑之大娛樂坑》，一個關於承諾、照顧和守護的故事，亦是黃在大坑生活的點滴。一貫她的黑色幽默風格，看得人笑中帶淚。但我，還是懷念數年前在藝穗會看黃詠詩的獨腳戲《破地獄與白菊花》，有悶場，但有驚為天人的感覺。喜歡看黃小姐演戲，更希望她越寫越好！
2011/11/10
我的攝影巨人三
Diane Arbus (1923 - 1971)
美國怪誕攝影師，專拍亦精於拍侏儒、巨人、易服癖者、馬戲班等等，有 "the photographer of freaks" 之稱。早期她和丈夫合夥做商業攝影生意，後來她退股，亦賠上她的婚姻。之後她間中為雜誌拍攝之餘，亦於學校教攝影，其中一間便是Parsons School of Design。相機方面，她棄用本來既Nikon 35mm菲林機，轉用Rolleiflex既雙鏡反光機，貪正正方方，效果更細緻，亦即係以下既相片。
她是我最喜愛的攝影師之一。
2011/11/02
我的攝影巨人二
Henri Cartier-Bresson (1908 - 2004)
法國攝影師，當代最偉大攝影師之一，被譽為新聞攝影之父，影響至深當然係street photography(snapshot係其一)，反對用閃光燈同裁剪照片；佢既理論同風格，影響攝影界深遠。
少時習畫既佢，服完兵役回國後正式開展佢既攝影生涯，足跡可謂遍佈全球，照過甘地葬禮、中共建國、印尼獨立，當然唔少得美國、非洲、日本等等，蘇聯領袖斯太林逝世後，佢係第一個獲批入境既西方攝記。
佢喜愛攝影，但極憎恨被攝，話說當年當牛津大學頒授榮譽學位俾佢，為免上鏡，上台領函時佢居然用張白紙遮住自己塊面！個場面，都應該幾搞笑！
何謂拍照？大師話「It is putting one's head, one's eye, and one's heart on the same axis」憑直覺，將你想既同睇既野捕捉，因為瞬間即逝。
2011/11/01
我的攝影巨人一
William Eugene Smith (1918 - 1978)
美國攝影記者，著作有二次世界大戰、Pittsburgh記事照、隨醫扎記、同後期日本水俁病紀錄照等等。
佢二次大戰既震撼照片震驚全球，亦因為二次大戰，徹底改變佢既人生觀；佢選擇拋妻棄子，放棄家園，孤身投入佢既攝影世界，走訪各地記錄人間冷暖。佢會日以繼夜、不眠不休只為沖靚相、揀靚相。喜歡聽爵士樂既佢，剛巧佢屋企樓上就住咗一班爵士樂手，為左聽音樂，佢癲到响天花板鑽洞錄音！
呢個痴線佬，非常堅持自己既一套，明明只需花三個月既項目，佢會用夠三年、上萬張照片，只為捕捉當地人最真實既生活片段，唔好忘記，當時係用菲林喎，同埋係自己沖片喎，唔係而家大家唔鐘意就隨意刪除既數碼機喎！
係Eugene身上，略略領悟做人既道理，當知道自己想要咩生活時，就要有堅定既信念，下定無比既決心勇往直前，唔好理世人點睇，因為佢地唔係你，冇人可以代表你。但一時迷路既我，首先要諗既係，我究竟想行條怎樣既路。
Subscribe to:
Posts (Atom)