人工，由三部份組成；三分一是永無休止的工作，以為做完可以抖抖歇一歇，你想歪了；三分一是受氣，不論那人是你的客、你的阿頭、還是你的老闆，你是一個出氣袋；三分一是老闆的無理取鬧，在公司，負責出糧的老闆永遠是大哂的！
還有還有，呢個世界並沒有公平可言，不要再投訴亞邊個邊個又加人工啦，我地做到死下死下，仆心仆命，超時超到癲，斗令都唔加。須知道，老闆加人工，除左睇業績外，仲有個人喜好係裏面的，我公司蝕緊錢，但依然繼續開分店，繼續請人，同繼續加某些人人工，係咪好神奇呢！呢種公司，有佢生存空間，你打份工就咪理咁多，想太多，只會谷爆自己。
打份工，尤其在小規模但想發圍的公司，一切只好逆來順受，不是要放低樽鹽，而是食得鹹魚抵得渴，除非你有本錢劈砲唔撈，本小姐暫冇此能耐，雖則好想...好想...
