人間昆蟲記

2011/10/24

ALL BLACKS

四年一度既 Rugby World Cup，尋日終告完美落幕。點解完美？因為新西蘭再一次發揮戰狼三百(？？？)既本色，再一次擊敗法國捧盃，而法國，一次冠軍都冇攞過呀陰公！千祈咪同我講，唓！新西蘭主場之利至嘛！上屆法國自己主場，都只係得個梗頸四！雖然本小姐好喜歡法國人、法國文化、法國美食、法國酒水、法國風格、法國地方‧‧‧但一講到Rugby，一定係巨人ALL BLACKS！法國，係我既欖球世界，係五強不入的‧‧‧

yeah yeah yeah!

they are really amazing~~~

strong in both offense and defense. how can u beat them down!

New Zealand : France : 8 : 7

最後個五分鐘，睇得我好緊張‧‧‧

非常感謝P小姐和S小姐抽空伴我睇精采賽事！兩位大小姐都係第一次睇Rugby的，仲要一睇就睇15人既常規賽，希望唔會悶親兩位。

圖片截自http://www.rugbyworldcup.com/

失敗的午夜巴黎

Midnight in Paris

情迷午夜巴黎

上個月看，今天才寫，因為‧‧‧點解千千萬萬男演員唔揀，偏要揀Owen Wilson呢？佢，真的同齣戲格格不入，一路睇，一路都好想問Woody Allen，你知唔知你浪費左浪漫既故事、巴黎同其他演員呀！！係，呢齣戲講美國人在浪漫巴黎，Owen個樣咁美國，應該襯到絕一絕，但我實在投入唔到，佢既演出，一點深度、內涵都沒有，又唔靚仔，對我呢講，搵Ryan Gosling、Patrick Dempsey、Bradley Cooper、甚至Ben Stiller (吓吓吓？)都比Owen好一千倍囉。

又，睇完另一齣爛戲＜Crazy, Stupid, Love>，發覺Ryan Gosling確係幾靚仔架！

2011/10/22

蛻變

「人們生命中變數很多，總會遇上一些，不是這便是那。生命的神秘與莊嚴，在於痛苦，也在痛苦不能他力減輕，必須自力承受。翅膀要經過掙扎才會變硬，才飛得起 ── 當然，代價很大。」
李碧華 <咳出一隻高跟鞋>

2011/10/04

Olaf Martens

Stunning and colorful works.

Olaf is an edgy fashion photographer from Germany. His photographs are contemporary art pieces!

Google his name and you will find out more of his impressive work.

追劇去

呢首歌，我係咁loop住聽！
Katie Herzig ~ Lost and Found
in epi #3 of Grey's Anatomy, Season 8

由第一季追到今季，依然好期待，依然好鐘意Cristina (我真係麻麻地Meredith)，但來到第八季，都真係有D擔心係最後一季！兩位主角生離死別幾乎已經做齊，之前傳聞話Patrick Dempsey演埋呢季就退出，而監製又話肯定會有第九季，咁即係兩位主角會離婚收場？定係Derek (Dempsey角色) 上次死唔去，今次難逃一死？定係連 Meredith Grey都變走埋？但，應該唔會囉，套戲用佢個名架嘛‧‧‧

希望唔會好似House咁走下坡啦！雖然我極鐘意演主角既Hugh Laurie(佢好勁架！集演員、導演、音樂人、作家於一身)，每集既medical case 依然精采，但始終集中左係主角House身上，佢既性格變化同愛情線就真係越變越失望，編劇團隊，我唔要祥和同妥協既House呀！今季冇左院長Lisa Cuddy，應該會有起色啩。

又，呢兩套劇揀既歌好多時都名不經傳(OK係我孤陋寡聞)，但超好聽！

又係電影

冇乜耐性既我，從來都唔多鐘意睇戲，但近排就痴左線係咁睇戲，仲要入戲院睇喎！又來多兩齣：

~ Johnny English Reborn

只要唔帶腦袋入場，你會得到一個既低能又搞笑的晚上（假設你和我一樣，係晚上去睇的）。而 Rowan Atkinson 係前所未有咁多對白！

睇完千祈咪急急腳咁走啊！睇埋credit先，如果唔係，你會錯過最尾個段精采既演出！

~ One Day

失望。雖然已經由作者自己做番編劇，但明顯地，由點樣交代日子就知道此戲眼高手低！

又，我和Anne Hathaway 是同月同日生的。

2011/09/19

為何而活?

原本一心想睇＜情約一天＞ (One Day) 的我，最後居然係睇呢齣! 3條友睇<作死不離3兄弟> (3 idiots)，簡直襯哂啦‧‧‧

我呢類病友，好在最後係睇呢套，如果睇悲劇結局的One Day，睇怕我會更鬱悶。3兄弟全長３粒鐘冇悶場，笑中有淚，仲要係有message喎！睇印度片，久唔久來一場 Bollyhood 式歌舞在所難免，而d歌舞又其實幾ok喎，令我覺得所有印度人都應該識跳舞的(笑)！兩地都曾經係英國殖民地，教育制度差唔多，大家都係為分數、為排名、為搵工而讀書，跟住勞役一輩子，可能只係為層樓而奮鬥，我地究竟係為工作而生活，定係為生活而工作？夢想、理想在不經不覺間已經給磨滅掉。

又，作為女觀眾的我，睇戲梗係要睇靚仔啦！靚仔主角Aamir Khan原來係印度影帝＋導演＋製作人，獲獎無數，但據聞佢係從來唔出席攞獎的！不如大家估下佢幾歲？登登登登登，46歲！！！簡真睇佢唔出！佢係咪食左返老還童葯？！

睇完Pina 3D同 3 idiots，令我若有所思，我應該差不多好返了！
(其實治療師都話我進度神速，實在感激一眾友好同家人關懷。大家緊記：病向淺中醫)

2011/09/11

Harry Potter Duet

你以為他們是雙生兒，「他們」可是同一人啊！

身邊很多朋友都看過Harry Potter甚至極力推介，但真的吸引唔到我囉。

2011/09/01

面對、接受、處理、放下

有些問題永無答案。事情發生了，只能「面對、接受、處理、放下」－－這並非局外人言論，我們亦以此來勉勵開解自己，因為每個人都會遇上毫無心理準備，意料之外的事。那時我們希望可以逃避，最好失憶。但不成，「它」就在你面前了。

很多人堅強，是逼出來的。

保重。　

~ 李碧華＜緣份透支＞

一個月前，我以為只是自己力有不逮，應付不了工作；
兩星期前，最終遲了工作，情緒開始失控、低落、自責、內疚，有理由沒理由的淚流不停；
一星期前，突然意識　我　有　問　題‧‧‧

我懂得面對了，但不懂如何處理、放下，唯有向醫生求助；普通科醫生分析說，問題在二月時蘊釀；在心理醫生做了測試，醫生分析說，我有兩個面，表裡不一，差異大得很離譜、太抑壓，此乃關乎自己五至九歲的一段經歷。

我會這樣形容自己，和很多香港人一樣，我是一個壓力煲，今次零件損壞了，不懂自行修愎，咪唯有爆煲。幸好我發現得早，並有家人和朋友的無限支持，實在需要感謝主。

我，患了抑鬱症。